Reykjavík, föstudagur, 29. desember, 2017 -- Nasdaq (Nasdaq:NDAQ) gefur út reglulega viðskiptayfirlit fyrir kauphallir sínar á Norðurlöndunum og í Eystrasaltsríkjunum. Dregin hafa verið saman helstu atriði yfir viðskipti á Nasdaq Iceland á liðnu ári, 2017.
Magnús Harðarson, yfirmaður viðskiptasviðs Nasdaq Iceland: „Íslenskur hlutabréfamarkaður styrktist til muna á árinu. Viðskipti hafa ekki verið meiri á hlutabréfamarkaði síðan 2008 og þökk sé losun gjaldeyrishafta í mars sl. varð markaðurinn aftur gjaldgengur í augum erlendra fjárfesta sem tóku aukinn þátt í viðskiptum. Þá tilkynnti FTSE Russell vísitölufyrirtækið í september að það væri með til athugunar að hleypa íslenskum félögum í vísitölur sínar að ári liðnu, sem mun enn frekar ýta undir sýnileika íslenska markaðarins á meðal erlendra aðila.“ Stoðir markaðarins voru einnig styrktar með innleiðingu skortsölureglugerðar Evrópusambandsins og gagnsæi aukið með birtingu Nasdaq Iceland á upplýsingum um heildarveðsetningu íslenska hlutabréfamarkaðarins. Framsækið tæknifyrirtæki í grænum hugbúnaðarlausnum, Klappir Grænar Lausnir, var skráð á First North Iceland markaðinn en fjöldi nýskráninga var undir væntingum, sem að stærstum hluta má rekja til umróts í kringum ríkisstjórnarslitin í haust. Við lítum þó björtum augum til næsta árs hvað varðar skráningar á bæði Aðalmarkað og Nasdaq First North.“
Hlutabréf
· Heildarviðskipti með hlutabréf á árinu námu 632 milljörðum eða 2.527 milljónum á dag. Þessu til samanburðar var veltan með hlutabréf árið 2016 559 milljarðar, eða 2.227 milljónir á dag. Þetta er 13% veltuaukning frá fyrra ári.
· Mest voru viðskipti með bréf Marel (MARL) 114,5 milljarðar, Icelandair Group (ICEAIR) 75,9 milljarðar, Símans (SIMINN) 59,3 milljarðar, Reita fasteignafélags 55,6 milljarðar og Haga (HAGA) 51,6 milljarðar. Á Aðalmarkaði hækkaði verð bréfa HB Granda mest eða um 35% á árinu og næst verð bréfa Fjarskipta um 39%. Á Nasdaq First North markaðnum hækkaði verð bréfa Iceland Seafood International mest eða um 31%.
· Úrvalsvísitalan (OMXI8) lækkaði um 4,4% á árinu og stendur nú í 1.635 stigum. Heildarvísitala hlutabréfa hækkaði um 4,7%.
· Markaðsvirði skráðra hlutabréfa var í árslok 820 milljarðar sem er 17% lægra en í lok síðasta árs. Í lok árs voru 20 félög skráð, þar af 4 á Nasdaq First North. Á árinu 2017 var eitt hlutafélag tekið til viðskipta; Klappir Grænar Lausnir hf. á First North.
Verðbreytingar hlutabréfa á árinu 2017:
| Hækkanir | Lækkanir | ||||
| % breyting | % breyting | ||||
| HB Grandi hf. | 34,6% | ↑ | Reginn hf. | -2,1% | ↓ |
| Fjarskipti hf. | 32,9% | ↑ | Skeljungur hf. | -3,0% | ↓ |
| Marel hf. | 32,9% | ↑ | Eik fasteignafélag hf. | -4,7% | ↓ |
| Síminn hf. | 31,8% | ↑ | Reitir fasteignafélag hf. | -8,0% | ↓ |
| Nýherji hf. | 31,4% | ↑ | N1 hf. | -11,6% | ↓ |
| Iceland Seafood International | 30,6% | ↑ | Eimskipafélag Íslands hf. | -22,3% | ↓ |
| Vátryggingafélag Íslands hf. | 28,4% | ↑ | Hagar hf. | -33,8% | ↓ |
| Tryggingamiðstöðin hf. | 18,0% | ↑ | Icelandair Group hf. | -36,3% | ↓ |
| Hampiðjan hf. | 14,7% | ↑ | |||
| Sjóvá-Almennar tryggingar hf. | 9,7% | ↑ | |||
| Sláturfélag Suðurlands svf. | 0,0% | → | |||
| Klappir Grænar Lausnir hf. | 0,0% | → |
Skuldabréf
· Heildarviðskipti með skuldabréf námu 1.240 milljörðum á árinu sem samsvarar 5,0 milljarða veltu á dag, samanborið við 5,9 milljarða veltu á dag árið 2016. Alls námu viðskipti með ríkisbréf 946 milljörðum, viðskipti með bankabréf 163 milljörðum og viðskipti með íbúðabréf 58,5 milljörðum. Þetta er 16% minni velta en í fyrra.
· Á árinu hækkuðu allar skuldabréfavísitölur Kauphallarinnar. Aðalvísitala skuldabréfa (NOMXIBB) hækkaði um 9,3% og stendur í 1.365 stigum. Óverðtryggða skuldabréfavísitala Kauphallarinnar (NOMXINOM) hækkaði um 5,0% og sú verðtryggða (NOMXIREAL) hækkaði um 10,9%.
Gleðilegt nýtt ár – þökkum fyrir góð samskipti á liðnu ári
#
Um Nasdaq
Nasdaq (Nasdaq:NDAQ) er leiðandi á alþjóðavísu í þjónustu á sviði verðbréfaviðskipta, kauphallartækni, eftirlits, skráninga, upplýsingaþjónustu og þjónustu við skráð fyrirtæki í sex heimsálfum. Nasdaq gerir viðskiptavinum sínum kleift að skipuleggja, hagræða og framkvæma framtíðarsýn sína í viðskiptum af öryggi, með margreyndri tækni sem veitir gagnsæi og innsýn í nútíma alþjóðlega fjármálamarkaði. Nasdaq er frumkvöðull í rafrænum kauphallarviðskiptum, en tækni þess er notuð á yfir 90 mörkuðum í 50 löndum og knýr um það bil ein af hverjum 10 viðskiptum í heiminum. Nasdaq er heimili meira en 3,900 skráðra fyrirtækja að markaðsvirði yfir 12 billjón Bandaríkjadala. Fyrir meiri upplýsingar, heimsæktu http://business.nasdaq.com/
Fyrirvari vegna staðhæfinga um framtíðarhorfur
Þau mál sem hér er skýrt frá taka til staðhæfinga um framtíðarhorfur sem gerðar eru samkvæmt svonefndum Safe Harbor ákvæðum í bandarískum verðbréfalögum frá 1995 (Private Securities Litigation Reform Act of 1995). Þessar staðhæfingar taka meðal annars til en takmarkast þó ekki við staðhæfingar um afurðir og þjónustu Nasdaq. Við minnum á að þessar staðhæfingar eru ekki trygging fyrir framtíðarafkomu. Raunveruleg niðurstaða kann að vera allt önnur en sú sem fram kemur berum orðum eða með öðrum hætti í staðhæfingum um framtíðarhorfur. Í staðhæfingum um framtíðarhorfur eru ýmsir áhættu- og óvissuþættir eða aðrir þættir sem Nasdaq hefur ekki stjórn á. Þessir þættir byggjast á en takmarkast þó ekki við þætti sem gerð er grein fyrir í ársskýrslu Nasdaq á svonefndu Form 10-K og árshlutaskýrslum sem sendar eru til bandaríska verðbréfaeftirlitsins. Við tökumst ekki á hendur neinar skuldbindingar um að endurskoða að neinu leyti staðhæfingar um framtíðarhorfur.
Nasdaq Nordic lýsir sameiginlegri þjónustu Nasdaq Copenhagen, Nasdaq Helsinki, Nasdaq Iceland og Nasdaq Stockholm.
FJÖLMIÐLASAMSKIPTI
Kristín Jóhannsdóttir
868 9836
kristin.johannsdottir@nasdaq.com