Marel/Stork Food Systems • Samkeppnisyfirvöld í Evrópu og víðar hafa samþykkt kaup á Stork Food Systems athugasemdalaust. Marel Food Systems mun taka við félaginu þann 8. maí n.k. • Próforma sala Marel og kjarnastarfsemi Stork Food Systems á fyrsta ársfjórðungi 2008 nam 155,2 milljónum evra, sem er aukning um 8,9% eða 12% á föstu gengi. EBIT var 12,2 milljónir sem er 7,9% af sölu og hagnaður 9,4 milljónir. Marel Food Systems • Sala fyrsta ársfjórðungs 2008 nam 74,0 milljónum evra samanborið við 72,2 milljónir á sama tíma árið áður. Salan jókst því um 2,5% á milli ára. Á föstu gengi er aukningin 5,3%. • Rekstrarhagnaður (EBIT) á tímabilinu janúar til mars 2008 var 2,2 milljónir evra sem er 2,9% af sölu samanborið við 3,2 milljónir (4,5% af sölu) í fyrra. Hagnaður tímabilsins nam 0,7 milljónum evra samanb orið við 1,0 milljón evra hagnað 2007. • Veltufé frá rekstri nam 4,3 milljónum evra. Á árinu 2007 var það 4,5 milljónir. • Eigið fé nam 180,6 milljónum evra og eiginfjárhlutfall var 42,7%. Handbært fé í lok tímabilsins nam 81,4 milljónum evra en var 30,4 milljónir í lok árs 2007. Breytinguna má einkum rekja til sölu LME á hlutafé í Stork NV sem skilaði Marel Food Systems 53 milljónum evra eftir uppgreiðslu skulda. Hörður Arnarson, forstjóri: “ Við sameiningu Stork og Marel mun Marel samstæðan hafa nánast fimmfaldað stærð sína. Þar með höfum við náð þeim markmiðum um hraðan ytri vöxt sem við settum okkur í upphafi ársins 2006 á mun skemmri tíma en að var stefnt. Megináherslur í framhaldinu verða nú á innri vöxt og bætta afkomu. Afkoma á fyrsta ársfjórðungi mótast af umfangsmikilli samþættingu. Nokkur fækkun starfsmanna á fyrsta ársfjórðungi mun leiða til lækkunar á föstum kostnaði á ársgrundvelli um 8-9 milljónir evra. Verðhækkanir sem gerðar voru í lok síðasta árs til að mæta miklum hækkunum á hráefni munu byrja að hafa áhrif á öðrum og þriðja ársfjórðungi. Afkoma Stork Food Systems sýndi góða rekstrarniðurstöðu og sterkan innri vöxt. Rekstrarhagnaður (EBIT) af kjarnastarfsemi þess var um 12,1% á fyrsta ársfjórðungi, sem var umfram væntingar, og var proforma EBIT fyrir kjarnastarfsemi sameinaðs félags því um 7,9%.” Kynningarfundur 7. maí Marel Food Systems boðar til kynningarfundar miðvikudaginn 7. maí 2008 kl. 8:30 á Hilton Reykjavik Nordica, Suðurlandsbraut 2, í sal A á fyrstu hæð. Hörður Arnarson, forstjóri, kynnir afkomu Marel Food Systems og Stork Food Systems á fyrsta ársfjórðungi 2008, ásamt því að kynna sameiningu fyrirtækjanna tveggja. Árni Oddur Þórðarson, stjórnarformaður, mun svo kynna framtíðarsýn hins sameinaða félags. Frekari upplýsingar veita: Hörður Arnarson, forstjóri Sími: 563-8000